Ashat Taǵybergen Qazaqstan quramasy sapyndaǵy sońǵy oıynyn ótkizdi

ASTANA. KAZINFORM — Jartylaı qorǵaýshy Ashat Taǵybergen fýtboldan Qazaqstan quramasy sapyndaǵy sońǵy oıynyn ótkizdi.

Bul jóninde ol ulttyq quramanyń 2026 jylǵy álem chempıonaty irikteý kezeńindegi Soltústik Makedonııamen kezdesýden keıin málim etti.

Atalǵan oıynda qazaqstandyq fýtbolshylar qarsylasyna 0:1 esebimen jol berdi.

Іrikteý kezeńinde el quramasy J tobynda synǵa túsip jatyr. Qarsylastary — Belgııa, Soltústik Makedonııa, Ýels, Lıhtenshteın.

Qazirge deıin el quramasy Ýelske (1:3) jol berip, Lıýksembýrgti (2:0) qapy qaldyrǵan edi.

— Men ulttyq qurama sapynda 2014 jyldan beri oıyn kórsetip kelemin. Sol ýaqyttan beri óz elimniń abyroıyn asqaqtatýǵa barynsha kúsh saldym. Jeńis te, jeńilis te kezdesti. Kapıtandyq mindetti atqardym. Búgin ulttyq qurama sapynda sońǵy oıynymdy ótkizýge sheshim qabyldadym. Ornymdy jastarǵa berýdi sheshtim, — dedi ol.

Ashat Taǵybergen 1990 jyly Qyzylorda qalasynda dúnıege kelgen. Qazirge deıin «Qaısar», «Aqtóbe», «Astana», «Tobyl», «Ordabasy» klýbtarynda dop tepti.

Eske salsaq, budan buryn qorǵaýshy Aleksandr Marochkın naýryz aıynda ulttyq qurama sapyndaǵy sońǵy oıynyn ótkizgenin málimdegen edi.