Ashat Shaharov Aqtóbedegi qylmystyq oqıǵa týraly pikir bildirdi

AQTÓBE. KAZINFORM – Aqtóbe oblysynyń ákimi Ashat Shaharov kepilde bolyp, kóz jumǵan adamdardy jerleý rásimine kómek berileninin áleýmettik jeli arqyly habarlady.

Aqtóbedegi qylmystyq oqıǵadan soń Ashat Shaharov Facebook áleýmettik jelisinde jazba qaldyrdy. 

- Qurmetti jerlester! Oblys ortalyǵyndaǵy qylmyskerdiń túndegi áreketi qoǵamda jan-jaqty talqylanýda. Bul jaǵdaıǵa qatysty qylmystyq is qozǵalyp, tergeý amaldary júrgizilip jatqanyn aıtqym keledi. Quqyqtyq baǵasyn quzyrly organdar beretin bolady.

Qazirgi ýaqytta zardap shekken jábirlenýshige jan-jaqty medıtsınalyq jáne psıhologııalyq qoldaý kórsetilýde.

Al marqum bolǵan azamattardyń jerleý rásimine qajetti kómekter uıymdastyrylady. Osy rette kúdiktini ustaýda kirpik ilmeı, kásibılik tanytqan polıtsııa qyzmetkerlerine alǵysymdy bildiremin.

Qaýipsizdik sharalary — baqylaýymda, - dep jazǵan Aqtóbe oblysynyń ákimi.

Eske salsaq, Aqtóbede túnde kepilde bolyp, bosatylǵan 40 jastaǵy áıeldiń jaǵdaıy ortasha aýyr. Dárigerler pyshaq jaraqaty bolmaǵanyn habarlady.