Ashat Shaharov: Aqtóbe qazaqy asyl tuqymdy jylqy eksporttaıtyn óńirge aınalady

ASTANA. KAZINFORM — Aqtóbe oblysynyń ákimi Ashat Shaharov Jibek Joly arnasyndaǵy «Ýáde» baǵdarlamasynda óńirde jylqy sharýashylyǵy ınstıtýtyn qalyptastyrý jumystary qalaı júrip jatqanyn aıtty. 

— Negizgi alań retinde arnaıy mekemeni ashtyq. Sovet kezeńinen qalǵan tájirıbelik stansa bazasynda ınstıtýt ashyp, uıymdastyrdyq. Alǵashqy mamandar tartyldy. Qazir jylqy sharýashylyǵyn jaqsy meńgergen professorlar osy ınstıtýttan turaqty jumys aldy. Endi bazany salý máselesi qaldy. Qazir Úkimetpen birge baza salynatyn oryndy tańdadyq. Qurylys-montaj jumystaryn bastap kettik. Kelesi jyly tolyq aıaqtaımyz dep josparlap otyrmyz, — dedi ol.

Ashat Shaharov oblysqa arnaıy shaqyrtylǵan ǵalymdarǵa úlken senim artylyp otyrǵanyn aıtty.

— Negizgi maqsatymyz — asyl tuqymdy jylqyny kóbirek shyǵaryp, ózimizdiń brend retinde eksporttaý. Shaqyrǵan professorlarymyz jumysty qajetti deńgeıde atqaryp berse, tól tuqymdy álemdik naryqqa shyǵarýǵa múmkindik bolady, — dedi ákim.

Buǵan deıin Aqtóbede Qazaq jylqy sharýashylyǵy ınstıtýty qurylǵanymen, ǵımaratyn salatyn oryn áli tabylmaı jatqanyn jazǵan edik.