Ashat Oralov QR Prezıdentiniń Ákimshiligine qyzmetke keldi
ASTANA. KAZINFORM —Burynǵy Mádenıet jáne sport mınıstri Ashat Oralov Prezıdent Ákimshiliginiń memlekettik ınspektory bolyp taǵaıyndaldy. Aqparatty Aqordanyń baspasóz qyzmeti rastady.
Ashat Oralov 1990 jyly 10 aqpanda Pavlodar oblysynda dúnıege kelgen. L.N.Gýmılev atyndaǵy Eýrazııa ulttyq ýnıversıtetin, RF SІM Máskeý memlekettik Halyqaralyq qatynastar ýnıversıtetin bitirgen.
Eńbek jolyn 2011 jyly L.N. Gýmelev atyndaǵy Eýrazııa ulttyq ýnıversıtetiniń áleýmettik-tárbıe jumysy bóliminiń jastar uıymdarymen jumys bóliminiń bas mamany bolyp bastaǵan.
Ár jyldary «Nur Otan» partııasynyń fılıalynda (qazirgi «Amanat»), Astana qalasy Jastar saıasaty máseleleri basqarmasynda, Qazaqstan Respýblıkasy Din isteri jáne azamattyq qoǵam mınıstrliginde, QR Qoǵamdyq damý mınıstrliginde qyzmet etti.
2019 jyldyń sáýirinen 2020 jyldyń shildesine deıin – Pavlodar oblysy ákiminiń orynbasary.
2020 jyldyń shildesinen bastap QR Aqparat jáne áleýmettik damý vıtse-mınıstri qyzmetin atqardy.
2023 jylǵy qańtardan qyrkúıekke deıin QR Mádenıet jáne sport mınıstri qyzmetin atqardy.
