Ashat Nııazovtyń áreketine quqyqtyq baǵa beriledi — QMA
ASTANA. KAZINFORM — Qazaqstandyq jýrnalıst ári bloger Ashat Nııazov Dala kompanııasynan qansha qarajat alǵany belgili boldy. Bul týraly Bizdin Orta podkastynda QR Qarjylyq monıtorıng agenttigi tergeý departamenti basshysynyń orynbasary Keńesary Baǵbanuly málimdedi.
Buǵan deıin 2025 jylǵy 30 mamyrda «Dala» kompanııalar tobynyń quryltaıshysy D. Jumaǵulovqa qatysty tergeý bastalǵany habarlanǵan bolatyn.
Tergeý barysynda onyń «Dala SK Stroy Invest» kompanııasy 2023 jyldyń mamyrynan 2025 jyldyń naýryzyna deıin jergilikti atqarýshy organnyń ruqsatynsyz 62 úleskerden 1 mlrd teńgeden astam qarajat jınaǵany anyqtaldy. Kompanııany qazaqstandyq jýrnalıst ári bloger Ashat Nııazov belsendi jarnamalaǵan.
— Ashat Nııazov jarnamany tegin ornalastyrmaǵan. Jobany nasıhattaǵany úshin 6 mıllıon teńge alǵany anyqtaldy. Bul eki tarap arasyndaǵy aqyly mámile bolǵan. Taǵy bir márte atap ótemin: onyń áreketine qoldanystaǵy zańnama aıasynda tıisti quqyqtyq baǵa beriledi, — dedi K. Baqbanuly.
Óz kezeginde Ashat Nııazov Jibek Joly telearnasynyń efırinde endi eshqashan qurylys kompanııalarymen baılanyspaıtynyn aıtty.