Ashat Beısenbaev «Qazposhta» AQ basshysy qyzmetinen bosady

ASTANA. QazAQparat - «Qazposhta» AQ Basqarma tóraǵasy Ashat Beısenbaevtyń ókilettigi merziminen buryn toqtatyldy. Bul týraly «Samuryq-Qazyna» Ulttyq ál-aýqat qory» AQ baspasóz qyzmeti habarlady.

Habarlamada kórsetilgendeı, bul sheshim A. Beısenbaevtyń óziniń jazbasha ótinishi negizinde qabyldanǵan.

Aıta keteıik, A. Beısenbaev «Qazposhta» AQ Basqarma tóraǵasy qyzmetine 2013 jylǵy 30 qazanda «Qazposhta» AQ Dırektorlar keńesiniń sheshimimen saılanǵan bolatyn. Ol Qazaqstan Respýblıkasynyń ulttyq pochta operatorynyń basshysy bolyp saılanǵanǵa deıin «BTA Bank» AQ Basqarma tóraǵasynyń mindetterin atqardy.