Ashat Aımaǵambetov : JOO-lardy jeke nemese memlekettik dep bólmeımiz
«Basty maqsat – joǵary oqý oryndaryndaǵy sapany kóterý. Bilim jáne ǵylym mınıstrligi JOO-lardy jeke nemese memlekettik dep bólmeıdi. Sebebi memlekettik te, jekemenshik joǵary oqý ornynda da bilim berý sapasy tómen bolýy múmkin. Osy oraıda oqý oryndary negizsiz jiktelip, osyndaı kózqaras qalyptasqan edi. Bizde elde jáne halyqaralyq deńgeıde básekege qabiletti jeke JOO-lar bar jáne olardy maqtan tutamyz», - dedi mınıstr Ortalyq kommýnıkatsııalar qyzmetinde.
Osy oraıda ol elimizdegi JOO-lar básekege qabiletti emes degen taptaýryn pikirdi umytý kerektigin atap ótti. Qazaqstandaǵy oqý oryndarynyń basym bóligi joǵary sapada bilim berýge qaýqarly bolyp otyr.
«Sondyqtan mınıstrlik jeke jáne memlekettik dep ózara bólmeıdi. Bul turǵyda sapaly bilim berý qyzmetin usynatyn oqý orny jáne bilimdi tıisti deńgeıde bere almaıtyn joǵary oqý orny dep qarastyramyz», - dedi A. Aımaǵambetov.
Budan buryn habarlanǵandaı, QR Bilim jáne ǵylym mınıstri Ashat Aımaǵambetov UBT-ny elektrondy formatta uıymdastyrýǵa qatysty pikir bildirdi.
