Ashat Aımaǵambetov jańa oqý jylynda «kezekshi synyptar» qandaı tártipte oqıtynyn túsindirdi
NUR-SULTAN. QazAqparat – Bilim jáne ǵylym mınıstri Ashat Aımaǵambetov jańa oqý jylynyń birinshi toqsanynda dástúrli formatta mektepke baratyn «kezekshi synyptar» qandaı tártipte oqıtynyn túsindirip berdi, dep habarlaıdy QazAqparat tilshisi.
«Jańa oqý jylynda oqytý úrdisi qalaı júrgiziletini týraly taıaýda ǵana sheshim qabyldaǵanymyzdy bilesizder. Sheshim mynadaı: jańa oqý jylynyń І toqsanynda 1-11 synyp oqýshylary qashyqtan oqıdy. Alaıda keıbir nıýanstar bar. Atap aıtqanda alys aýyldardaǵy shaǵyn jınaqty mektepterge dástúrli túrde oqýǵa ruqsat beremiz. Alaıda ol aýyldardyń ózinde bizdiń balalar men pedagogtarǵa eshqandaı qaýip bolmaýy tıis», - dedi Ashat Aımaǵambetov Tengrinews.kz Instagram-yndaǵy tikeleı efırde.
Bilim jáne ǵylym mınıstri ekinshiden bastaýysh synyptar úshin de dástúrli formatta oqý múmkindigi beriletinin jetkizdi.
«Qashyqtan oqytý formatynda erekshe qajettiligi bar, az qamtylǵan otbasylardyń balalarǵa ońaı tıe qoımaıtyny anyq. Úshinshi másele aınalyp kelip bastaýysh synyptardyń oqytý jumysyna tireledi. Sol sebepti «kezekshi synyptar» degen engizildi. Ol ne? Bastaýysh synypta (1-4 synyp) oqıtyn balasy bar ata-ana balasyn dástúrli túrde mektepte oqytýǵa ótinish bere alady. Onda oqýshylarǵa ondaı múmkindikti berýge daıynbyz», - dedi ol.
Ashat Aımaǵambetov mektepte dástúrli oqý barysynda naqty shekteý sharalary qandaı bolatynyn aıtyp ótti.
«Birinshiden sanıtarlyq-epıdemıologııalyq talaptar qatań saqtalýy kerek. Ádette bir synypta 20-25, tipti úlken qalalarda 40 balaǵa deıin otyrady. Osyǵan baılanysty ata-analarynyń ótinishimen І toqsanda dástúrli formatta oqıtyn synyptaǵy kabınette 10-15 baladan artyq otyrmaýy kerek. ıAǵnı bir synyptyń ózi toptarǵa bólinedi. Ekinshiden osy synyptarǵa qońyraýlar ártúrli ýaqytta soǵylady. Úshinshiden dene qyzýy turaqty túrde ólshenip, balalardyń densaýlyǵy qatań baqylaýǵa alynady. Ata-analarǵa mektep aýmaǵyna kirýge tyıym salynady. «Bir muǵalim – bir synyp» qaǵıdaty engiziledi. Ádette aǵylshyn pánin oqytarda basqa muǵalim keledi. Alaıda bul jerde ondaı bolmaıdy. Bastaýysh synyptyń muǵalimi ǵana sabaq ótkizedi. Dástúrli formatta oqytýǵa bolady degen kúnniń ózinde sabaqtyń jartysyn biz qashyqtan oqytý formatyna aýystyramyz. Aǵylshyn tili máselen qashyqtan oqytylady», - dedi ol.
Bilim jáne ǵylym mınıstri І toqsanda dástúrli formatta oqıtyn balalar úshin mekteptegi ashana jumys istemeıtinin jetkizdi.
