Ashat Aımaǵambetov vaýcherlik qarjylandyrýǵa qatysty qaýesetti seıiltti
NUR-SULTAN. QazAqparat – Oqý-aǵartý mınıstri Ashat Aımaǵambetov vaýcherlik qarjylandyrý tóńiregindegi alyp-qashpa áńgimelerge oraı pikir bildirdi, dep habarlaıdy QazAqparat tilshisi.
«Bizde vaýcherlik qarjylandyrýǵa qatysty ańyz kóp. Bul ańyz keń taralyp jatyr. Jańa oqý jylynan bastap, memlekettik tapsyrysty árbir ata-ana aqshany óz esep-shotyna alýy úshin ekinshi deńgeıli bankterge ornalastyrady ekenbiz-mys», - dedi mınıstr respýblıkalyq tamyz konferentsııasy barysynda.
Onyń atap ótýinshe, bul baǵytta birneshe ilki joba iske qosylǵan.
«Vaýcherlik qarjylandyrý bolady dep sheshim qabyldadyq. Biraq, aqsha árbir ata-anaǵa aýdarylmaıdy. Múmkin bolashaqta áleýmettik ámııan bolǵan kezde, tetikterdiń bári tsıfrlandyrylǵanda solaı bolýy da múmkin. Másele keleshekte qaralady. Biraq, qazirgi ýaqyttaǵy vaýcherlik qarjylandyrý – bilim basqarmasynyń bilim berý uıymdary tizbesin memlekettik tapsyrysqa bólinetin orynnyń naqty sanyn anyqtamaı aıqyndaýy. Munan ary ata-ana qaı balabaqsha qajet ekendigin ózi tańdaıdy», - dedi Ashat Aımaǵambetov.
