Ashat Aımaǵambetov: «Úzdik pedagog» konkýrsynda birqatar ózgeris bolady
Aıta keteıik, buǵan deıin mınıstrlik «JOO-nyń úzdik oqytýshysy» baıqaýynyń erejesine birqatar ózgerister engiziletinin jarııalaǵan bolatyn.
«Bul jobany taǵy bir apta talqylaımyz. Odan keıin qazan aıynyń sońyna deıin buıryq qabyldaýymyz kerek. Bıyl bolatyn «JOO-nyń úzdik oqytýshysy» konkýrsyn atalǵan buıryq aıasynda ótkizemiz. Sondyqtan ózderińizde usynys bolsa, berýge múmkindik bar. Bul - óte mańyzdy baıqaý. Bizge keregi – ashyqtyq pen ádildikti qamtamasyz etý. Tsıfrlandyrý máselesin sheshýimiz kerek. Ádistemelik turǵydan da jańartýymyz qajet. Kórsetkishter boıynsha biraz ózgeris bolady. Sondyqtan bul ózgeristerdi qabyldap, odan keıin áriptesterimizge jetkizýimiz qajet. Eń bastysy - osy úlken konkýrsymyzdy ádil ári ashyq ótkizýge tıispiz. Óıtkeni ártúrli alyp-qashpa sózder bar. Ashyq bolsa senim de qalyptasady», - dedi Ashat Aımaǵambetov mınıstrliktiń apparat jıynynda.
Sonymen qatar, mınıstr mektep muǵalimderine arnalǵan «Úzdik pedagog» konkýrsyna da ózgerister engiziletinin aıtty.
«Mektep deńgeıinde ótetin baıqaý boıynsha da osyndaı ózgeristerdi iske asyratyn bolamyz. Sondyqtan komıtet tóraǵasyna osyny tapsyramyn. Tsıfrlandyrý, ashyq ótýi, onyń ádistemesiniń bolýy máselesi boıynsha jumys júrgizý kerek», - dedi Ashat Aımaǵambetov.
