Ashat Aımaǵambetov: Ustazdardyń kún-túni istep jatqan jumysyn syzyp tastaýǵa bolmaıdy
«Búginde sabaq bolmaı jatyr dep aıtý durys emes. Óıtkeni, bizdiń 500 myń áriptesimizdiń kún-túni istep jatqan jumysyn syzyp bastaýǵa bolmaıdy. Óte úlken aýqymdy jumys jasap jatyr. Árıne problemalar bar. Ony biz bilemiz. Olarǵa qatysty áriptesterimizden, ustazdarmen, mektep basshylarymen jumysty jasap jatyrmyz. Ári qaraı da bul jumystardy jalǵastyramyz», - dedi ol Ortalyq kommýnıkatsııalar qyzmetindegi baspasóz máslıhatynda.
Mınıstr bilim berý platformalaryna DDoS-shabýyldardyń júrip jatqanyn jasyrmady.
«Pedagogtar jazǵy ýaqytta tıisti daıyndyq kýrstarynan ótti. Kýrstar barysynda gıgıena, kıberqaýipsizdik máselelerine qatysty bilim berdik. ІT-salasy boıynsha tıisti daǵdylaryn damytý boıynsha dárister ótkizdik. Áriptesterimiz ary qaraı da daǵdylaryn damyta beredi», - dedi Ashat Aımaǵambetov.
