Ashat Aımaǵambetov UBT nátıjeleri boıynsha mektepterdiń reıtıngin jasamaýdy surady
NUR-SULTAN. QazAqparat - Bilim jáne ǵylym mınıstri Ashat Aımaǵambetov óńir ákimdikterinen UBT nátıjeleri boıynsha oblystardyń, qalalar men mektepterdiń reıtıngterin jasamaýdy surady, dep habarlaıdy QazAqparat tilshisi.
«UBT kezinde qoǵamdyq tártipti saqtaý, UBT ótkizý pýnkterin medıtsınalyq personaldarmen qamtamasyz etý qajet. Ekinshiden, UBT nátıjeleri boıynsha oblystardyń, qalalar men mektepterdiń reıtıngterin jasamaýdy suraımyz. Qazirgi tańda UBT - óz erkimen joǵarǵy oqý oryndaryna túsý úshin tapsyratyn emtıhan bolǵandyqtan, osy nátıjelerdi reıtıng jasaýǵa paıdalaný - bizdiń oıymyzsha, durys emes», - dedi Bilim jáne ǵylym mınıstri Úkimet otyrysynda.
Ashat Aımaǵambetov úshinshiden, mektep bitirýshiler men olardyń ata-analaryna qolaıly jaǵdaı jasaýdy, balalardy tasymaldaý máselesin uıymdastyrýdy surady.
«Jalpy, UBT ótkizýge daıyndyq josparǵa saı júrgizilip jatyr. Bıylǵy testileýdi ótkizýge daıynbyz», - dedi mınıstr.
