Ashat Aımaǵambetov tehnıkalyq jáne kásiptik bilim berý ardagerlerine nagradalar tabystady
«Búgin tehnıkalyq jáne kásiptik bilim berý ardagerlerimen kezdesý ótkizip, vedomstvolyq nagradalardy tabys ettim.
TjKB júıesiniń ardagerleri bilim berý úderisin jaqsartýǵa baǵyttalǵan kóptegen normatıvtik quqyqtyq aktilerdi ázirleýge atsalysyp, jalpy bilim salasyn damytýǵa qosqan úlesi úshin laıyqty marapattarǵa ıe boldy» dep jazdy mınıstr Feısbýktegi paraqshasynda.
Ashat Aımaǵambetov bilim berý ardagerlerimen kezdesýler ózine árdaıym mańyzdy ekenin, óıtkeni olar qundy tájirıbelerimen bólisip, bilim berý protsesin jetildirý úshin ózderiniń kózqarastary men usynystaryn aıtatynyn atady.
«Biz búgin TjKB júıesindegi jetistikterdi, ózekti máselelerdi, tehnıkalyq jáne kásiptik bilim berý men kadrlar daıarlaýdyń sapasyn jetildirý boıynsha kózdelgen josparlardy talqyladyq.
Bizdiń TjKB júıesiniń bilim berý úzdikteri – ardagerlerimizge, sondaı-aq búgin myńdaǵan kolledj stýdentterin oqyta otyryp, tehnıkalyq jáne kásiptik bilim berý salasynyń damýyna kún saıyn úles qosyp júrgen kolledj pedagogterine eren eńbegi úshin alǵys aıtamyn» dep túıdi sózin ol.
