Ashat Aımaǵambetov: Smartfon kitaptan arzan bolmaýy kerek

ASTANA. KAZINFORM – Májilis depýtaty Ashat Aımaǵambetov anımatsııalyq stýdııalarǵa salyq jeńildigin berýdi usyndy.

- Qazaqsha mýltfılmder az — al salyq kóp. Búginde balalardyń kóbi basqa tildegi TikTok pen Netflix ǵana kóredi. Memlekettik tilde kontent az. Nege? Bizdiń anımatsııalyq stýdııalar ár kadr úshin QQS tóleıdi. Qazaqsha mýltfılm shyǵarý — qymbat. Ońtústik Koreıa, Polsha, Frantsııa — óz anımatsııasyn qorǵaıdy. Bizge de sol qajet, - dedi ol palatanyń jalpy otyrysynda.

Sondaı-aq, kazınolarǵa salyqty aıamaı kóterý kerektigin aıtty.

- Kazınolarǵa salyqty batyl kótereıik! Munda eshqandaı daý joq. 20%, 30%, 50% — kóterýge bolady. Óıtkeni árbir utylǵan stavka — bir otbasynyń úmiti.

Bul — bıznes emes. Bul — úmitti jutatyn ındýstrııa. Qurmetti áriptester, bizdiń usynyp otyrǵanymyz — jeńildik emes, ádilettilik. Salyq júıesi muqtajǵa demeý bolýy tıis. Smartfon — kitaptan arzan bolmaýy kerek. Energetıkalyq sýsyn — sýdan arzan bolmaýy kerek. Osy usynystardy qoldaıyq, - dedi depýtat. 

Aıta keteıik, Salyq kodeksiniń jańa redaktsııasy qabyldansa, QQS salynatyn aınalymnyń tómengi shegi 40 mln teńge bolýy múmkin.