Ashat Aımaǵambetov sheteldikterdiń bala asyrap alýy týraly aıtty

NUR-SULTAN. QazAqparat – Bilim jáne ǵylym mınıstri Ashat Aımaǵambetov Úkimet otyrysynda qorǵanshylyq jáne qamqorshylyq organdaryndaǵy shtat máselesin kóterdi, dep habarlaıdy QazAqparat tilshisi.

«Qazaqstan aýmaǵynda bala asyrap alý jónindegi 10 sheteldik agenttik akkredıttelgen. Alaıda, 2020 jyly bul agenttikter arqyly bala asyrap alý deregi tirkelgen joq», - dedi Ashat Aımaǵambetov.

Mınıstrdiń aıtýynsha, eldegi 228 aýdandyq jáne qalalyq bilim bóliminde qorǵanshylyq jáne qamqorshylyq mindetin nebary 317 qyzmetker atqaryp otyr.

«Respýblıkada 6 mıllıonnan astam bala bar ekenin eskersek, orta eseppen bir mamanǵa 18 myńnan astam bala keledi. Al álemdik praktıkada 2 myń balaǵa bir maman qarastyrylǵan. Qorǵanshylyq jáne qamqorshylyq organdarynyń jumysyn tájirıbeli kadrlarmen kúsheıtý jáne shtatty ulǵaıtý arqyly jańartý qajet jáne óte mańyzdy dep sanaımyn», - dedi Bilim jáne ǵylym mınıstri.

Buǵan deıin Ashat Aımaǵambetov 3 jylda 42 balalar úıi jabylǵanyn aıtqan bolatyn.

Mınıstrdiń aıtýynsha, bıyl arnaıy pedagogter daıyndaý granty eki ese kóbeıtilgen.

Sondaı-aq, Úkimet otyrysynda 4 oblysta 110 mekteptiń dárethanasy aýlada turǵany aıtyldy.