Ashat Aımaǵambetov sertıfıkattar, dıplomdar, medaldar satatyn uıymdardyń jolyn kespek

None
None
NUR-SULTAN. QazAqparat - QR Bilim jáne ǵylym mınıstri Ashat Aımaǵambetov sertıfıkattar, túrli dıplomdar, medaldar, erekshelik belgilerin satýmen aınalysatyn uıymdardyń jolyn kesýge ýáde berdi, dep habarlaıdy QazAqparat tilshisi.

«Kásibı damytý ortalyǵy dep atalatyn uıymdar qaptap ketti. Al is júzinde olar sertıfıkattar, túrli dıplomdar, medaldar, erekshelik belgilerin satýmen aınalysady. Biz olardyń qyzmetiniń jolyn kesý qajet dep sanaımyz jáne pedagogtar mundaı «qarmaqqa» ilinip qalmaýy tıis», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.

Onyń aıtýynsha, atalǵan jaıtqa baılanysty qazirgi ýaqytta buıryqtar men normatıvtik-quqyqtyq aktilerge ózgerister engiziletin bolady.

«Bul pedagogtardyń osyndaı nagradalardy jınaýyna múmkindik bermeý úshin jasalady. Al vedomstvolyq nagradalarǵa qatysty aıtar bolsam, bul jerde de ashyqtyq qamtamasyz etiledi», - dedi Ashat Aımaǵambetov.


Сейчас читают
telegram