Ashat Aımaǵambetov: Respýblıkalyq, Prezıdenttik olımpıadanyń jańa úlgileri engiziledi

NUR-SULTAN. QazAqparat – Respýblıkalyq jáne Prezıdenttik olımpıadanyń jańa úlgileri engiziledi. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Daryndy balalardy qoldaý jumysyn jalǵastyramyz. «Myń bala» jobasy jalǵasady. Respýblıkalyq olımpıadanyń, Prezıdenttik olımpıadanyń jańa úlgileri engiziledi. Oǵan qosa, jaqynda qabyldanǵan zańnyń aıasynda qosymsha bilim alýǵa keń múmkindik berý úshin memlekettik tapsyrys konkýrstyq negizde jáne jekemenshik uıymdarda da ornalasady. Sonyń arqasynda 2025 jyly bul kórsetkish 100 paıyzǵa deıin jetedi», - dedi Ashat Aımaǵambetov.

Mınıstrdiń atap ótýinshe, bes jyldyń ishinde barlyq mektepte sportpen aınalysýǵa jaǵdaı jasalady.

«Sondaı-aq dene shynyqtyrý muǵalimderine sektsııalar men úıirme ótkizgeni úshin aı saıyn qosymsha 17 myń teńge aqy tólenedi», - dedi ol.