Ashat Aımaǵambetov pedagogtardyń biliktiligin arttyrýdaǵy jańa tásilderdi atady
«Bilim berý sapasyn jaqsartý máselesindegi eń mańyzdy faktor – ol muǵalimderdiń daıyndyq deńgeıi. Osyǵan baılanysty pedagogtardyń biliktiligin arttyrýda qandaı jańa tásilder qoldanylýda?» - dep suraǵan edi Premer-Mınıstr Álıhan Smaıylov Oqý-aǵartý mınıstrinen.
Saýalǵa jaýap bergen Ashat Aımaǵambetov pedagogtardyń biliktiligin arttyrýdaǵy birneshe jańa tásildi atady.
«Bilim berý sapasy úshin pedagogtardyń biliktiligin arttyrý óte mańyzdy. Sondyqtan, biz birneshe baǵytta jumys atqaryp jatyrmyz. Birinshiden, olardyń biliktiligin úzdiksiz arttyrý úshin zańnamaǵa ózgerister engizdik. Prezıdent tapsyrmasyn oryndadyq. Endi pedagogtar bes jylda emes, úsh jylda biliktilik arttyrý kýrstarynan ótedi. Ekinshiden, pedagogıkalyq mamandyqtar boıynsha oqýǵa túsý úshin shekti baldy 50-den 75 balǵa deıin kóterdik. Úshinshiden, bıyldan bastap pedagogıkalyq mamandyqqa jumysqa turý úshin tek dıplommen emes, arnaıy óz páninen test tapsyryp, sertıfıkattan ótý engizildi. Tórtinshiden, biliktilik arttyrý kýrstarynyń barlyq baǵdarlamasyn túbegeıli ózgerttik. Besinshiden, bıyldan bastap jańa formatta ár pán boıynsha kýrstar engizdik. Taǵy bir jańalshyldyq, pedagog kýrstan ótkennen keıin emtıhan tapsyrady. Tek emtıhan tapsyrǵan pedagog qana sertıfıkat alady. Tapsyra almaǵandarǵa qosymsha kómek kórsetemiz», - dedi mınıstr.
