Ashat Aımaǵambetov orynbasaryna qylmystyq is qozǵaldy degen daqpyrtqa qatysty jaýap berdi
«Bul aqparatty sol memlekettik organnyń ózinen anyqtaý qajet. Biz resmı habarlama alǵan joqpyz. Sondyqtan, menińshe bul máselege tıisti memlekettik organnyń túsinikteme bergeni durys bolar», - dedi ol Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.
Ashat Aımaǵambetovtiń naqtylaýynsha, barlyq orynbasary búgin jumys ornynda boldy.
«Rústem Aıdarbekulyna (Bıǵarı) qatysty mundaı aqparat estigen emespin. Búgin ol jumys istep jatyr. Kináli emestiginiń anyq-qanyǵyna jetý qajettigin atap ótkim keledi. Dolbar jasaý, orynbasarlardyń biri bolýy múmkin kúdiktený durys emes», - dedi ol.
Sonymen qatar ol fakti naqtylanǵan jaǵdaıda ǵana sóz qozǵaýǵa bolatyndyǵyn aıtty.
«Naqtylanǵan aqparat bolyp jatsa, árıne, biz sizdermen bul jaıynda sóılese alamyz. Alaıda, dál qazirgi jaǵdaıda áriptesterimniń barlyǵy da jumysynda. Áriptesim jaıly, onyń kúdikke ilingeni nemese ustalǵany týraly resmı málimet alǵan joqpyz», - dedi mınıstr.
