Ashat Aımaǵambetov: Onlaında oqýshylardan forma kııýdi talap etýdi qoldamaımyz

NUR-SULTAN. QazAqparat – Qashyqtan sabaq oqıtyn oqýshylardan mektep formasyn kııýdi talap etýge bolmaıdy. Bul týraly Ortalyq kommýnıkatsııalar qyzmetinde ótken mektep oqýshylarynyń ІV toqsanda qashyqtyqtan oqý júıesine arnalǵan onlaın konferentsııada aıtyldy, dep habarlaıdy QazAqparat tilshisi.

«Keıbir dırektor, ustazdar oqýshylardan úıde sabaq oqyǵan kezde tıisti forma kııýdi talap etedi eken. Bul týraly kóp suraqtar qoıylyp jatyr. Biz bul máseleni qoldamaımyz jáne bulaı jumys júrgizýge bolmaıtynyn aıtamyz», - deıdi QR Bilim jáne ǵylym mınıstri Ashat Aımaǵambetov.

Onyń aıtýynsha, búgingi kúni 167 memleket qashyqtyqtan oqytý júıesine kóshken.

«1 mıllıardtan astam bala qashyqtan oqytý júıesi arqyly bilim alýda. Qandaı qıyndyqtar bolsa da, oǵan daıyn nemese daıyn emes bolsaq ta, munyń aldyndaǵy zańnamada bolǵan joq ekenin aıtsaq ta osy júıege kóshýge týra keledi. Osyǵan qatysty biraz másele bar ekenin bilemiz. Bul - bilim salasy úshin úlken synaq. Problemalardyń bar ekenin bilip, olardy sheship, tıisti deńgeıde oryndaımyz dep oılaımyz», - deıdi QR Bilim jáne ǵylym mınıstri Ashat Aımaǵambetov.