Ashat Aımaǵambetov oqshaýlandy
NUR-SULTAN. QazAqparat – Bilim jáne ǵylym mınıstri Ashat Aımaǵambetov koronavırýs boıynsha test ótkizdi. Qazir mınıstr oqshaýlanyp jatyr, dep habarlaıdy QazAqparat tilshisi.
«Bilim jáne ǵylym mınıstri COVID-19 boıynsha testten ótti. Odan KVI anyqtalǵan joq. Ashat Qanatulynyń jaǵdaıy jaqsy. Áıtse de bekitilgen reglamentke sáıkes ol oqshaýlanyp, qashyqtan jumys isteıtin bolady», - dep habarlady mınıstrliktiń baspasóz qyzmetinen.
Jýyq arada mınıstr qaıtadan analızden ótedi.
BǴM baspasóz qyzmeti mınıstrdiń bekitilgen reglament boıynsha testten ótetinin habarlaıdy. Sebebi Ashat Aımaǵambetov memlekettik organdardyń ózge ókilderimen, onyń ishinde Densaýlyq saqtaý mınıstri Eljan Birtanovpen jumys barysynda jaqyn qashyqtyqta bolǵan.
Eske sala ketsek, keshe Densaýlyq saqtaý mınıstri Eljan Birtanov Facebook paraqshasynda koronavırýs juqtyrǵanyn habarlaǵan edi.
Sonymen birge, 12 maýsymda QR Premer-Mınıstri Asqar Mamın Jambyl oblysyna jumys saparymen baryp qaıtty, onda Densaýlyq saqtaý mınıstri E. Birtanov ta bolǵan edi. Osyǵan baılanysty Úkimet basshysy da oqshaýlanýǵa májbúr bolyp otyr.
