Ashat Aımaǵambetov muǵalimderdi jumysqa konkýrs arqyly qabyldaý týraly aıtty

NUR-SULTAN. QazAqparat –Bizdiń basty maqsatymyz - qazaqstandyq bilim men ǵylymnyń áleýetin barynsha kúsheıtý úshin «jastyq pen tájirıbeniń úılesim tabýyn» qamtamasyz etý. Bul týraly Bilim jáne ǵylym mınıstri Ashat Aımaǵambetov jelidegi paraqshasynda jazdy, dep habarlaıdy QazAqparat.

« Jańa kózqarasy bar jas kadrlardy jumysqa qabyldaı otyryp, tepe-teńdik pen urpaqtar sabaqtastyǵy saqtalatyn bolady. Mınıstrlik tarapynan iske asyrylyp jatqan kadrlyq saıasat týraly qoǵamda neǵurlym tolyq jáne obektıvti túsinik qalyptastyrý maqsatynda aldaǵy birneshe aptanyń ishinde jańadan taǵaıyndalǵan basshylar kishigirim suhbat beredi.

Suhbat barysynda jas kóshbasshylar basqaryp otyrǵan uıymdaryn odan ári damytý boıynsha jumys josparyn (1), júzege asyrylatyn negizgi reformalar (2), jumys josparyn iske asyrý úshin júıege tartylatyn resýrstar (3) jáne jańa basshynyń taǵaıyndalýynan bastap uıymnyń aldaǵy ýaqytqa josparlanǵan jumys nátıjelerimen (4) bólisetin bolady.

Sonymen qatar bul jumysty júıeli túrde jalǵastyrý úshin jaqyn arada biz jańa joba bastaıtyn bolamyz. Atap aıtsam, «Kadrlyq rezerv» jobasy. Biz bilim jáne ǵylym júıesinde basshylyq laýazymǵa usyný úshin tabysty ári daıyndyǵy myqty úmitkerlerdi irikteýdi josparlap otyrmyz», - dedi mınıstr.

Joba boıynsha irikteý sharttary men tártibi týraly aqparat jeke jarııalanady.

«Budan bólek jaqyn arada bizdiń bastamamyzben júzege asyrylatyn dırektorlardy rotatsııalaý ınstıtýty, olardy taǵaıyndaýdyń jańa qaǵıdalary jáne muǵalimderdi jumysqa konkýrs arqyly qabyldaýdyń jańa júıesin engizetin normalar júzege asyryla bastaıdy», - dep túıdi mınıstr.

Eske salsaq, buǵan deıin Ashat Aımaǵambetov kez-kelgen salanyń serpindi damýyn qamtamasyz etý úshin basqarýshy elıtany únemi jańartyp otyrý qajettigi týraly aıtty.