Ashat Aımaǵambetov: Mektepterdegi sport zaldar jalǵa beriledi
Bilim jáne ǵylym mınıstri Ashat Aımaǵambetov Aqtóbe qalasyndaǵy mektep dırektorlarymen kezdesip, «Muǵalim mártebesi týraly» Zań jobasyn, mektepterdegi baqylaý jumystar men ustazdardyń jalaqysy jaıyn jan-jaqty aıtyp berdi.
«Qylmys, quqyqbuzýshylyqty azaıtý úshin biz jastardyń bos ýaqytyn tıimdi uıymdastyrýymyz kerek. Sonyń ishinde balalar da bar. Buqaralyq sportpen shuǵyldanatyn adamdar sanyn 30 paıyzǵa jetkizý tapsyrmasy tur. Jyl sońyna deıin bul tapsyrma oryndalady. Bastysy – sport nysandarynyń ishin toltyrý. Qazaqstanda mádenı, sporttyq nysan jetkilikti. Tek onyń ishin toltyrý máselesi qaldy. Máselen, elimizdegi mekteptertiń 86 paıyzynda sport, májilis zaly bar. Ókinishke qaraı, olar keshke jaqyn, demalysta jumys istemeıdi. Bilim jáne ǵylym mınıstrligi men Mádenıet jáne sport mınıstrligi birigip, sheshim qabyldady. Olardy paıdalaný kerek», - dedi Berdibek Saparbaev.
Elimizdiń bas ustazy Ashat Aımaǵambetovty muǵalim men ata-ana arasyndaǵy baılanystyń álsizdigi alańdatady.
«Kóp mektepte bul másele ashyq kúıinde qalyp otyr. Ata-ana bólek, mektep ózge. Ata-ana mektep sheshý kerek dese, mektep ata-anaǵa ysyrady. Eki ortada bala qalyp tur. Jınalystarǵa ata-analar kelmeıdi dep te aıtady. Sondyqtan formatty ózgertip, jalpy tárbıe jumysyn jandandyrǵan jón. Óz-ózine qol jumsaý, quqyqbuzýshylyqty keshendi túrde sheshý qajet», - dedi Ashat Aımaǵambetov pedagogıkalyq qaýymmen kezdesýinde.
Mektep dırektorlarymen kezdesý kezinde sport zaldardy kópshilik qoldanysyna berý jaıyna da toqtaldy. Aldaǵy ýaqytta mektepterdegi sport zaldar jalǵa beriledi.
«Jalǵa alatyn adam aqshany bıýdjetke emes, sol mekteptiń shotyna aýdaratyn bolady. Tıimdi sheshim osy», - dedi mınıstr.