Ashat Aımaǵambetov: Mektepter jańa formatpen jumys isteýge daıyn
NUR-SULTAN. QazAqparat – Kanıkýl aıaqtalǵan soń qajet bolǵan jaǵdaıda oqýshylardy qashyqtyqtan oqytý úshin daıyndyq jumystary júrgizilýde. Bul týraly Ortalyq kommýnıkatsııalar ortalyǵynda ótken brıfıngte QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Kanıkýl aıaqtalǵan soń qajet bolǵan jaǵdaıda oqýshylardy qashyqtyqtan oqytý úshin daıyndyq jumystary júrgizilýde. Bul turǵyda arnaıy top qurǵan bolatynbyz. Bul top bir jarym aı boıy jumysyn atqaryp jatyr. Eger 5 sáýirden keıin jaǵdaı rettelmeıtin bolsa, biz qashyqtyqtan oqytý júıesine kóshýge daıynbyz. Qazirgi ýaqytta osy júıeni kontentpen qamtamasyz etý, ony toltyrý, pedagogtardy oqytý, servısterdi testileý jáne basqa da jumystardy júrgizip, ony 5 sáýirge deıin aıaqtap, qajet bolǵan jaǵdaıda osy jańa formatpen jumys isteýge daıyn bolamyz», - deıdi Ashat Aımaǵambetov.
Ol barlyq kolledjder men JOO stýdentteri 16 naýryzdan bastap qashyqtyqtan oqytý tehnologııalary negizinde bilim alýǵa kóshkenin aıtty.
«Oqý protsesi bekitilgen oqý júktemesine, josparyna saı júrgiziledi. Bizde 790 kolledj bar. Bári 100% atalǵan baǵdarlamany ıgerip otyr dep aıta almaımyz, biraq basym kópshiligi osy baǵdarlamamen jumys istep jatyr. Biz tıisti monıtorıng júrgizip jatyrmyz. Muǵalimder de jańa júıege beıimdelýde. JOO-lar úshin qashyqtan oqý tehnologııasymen tanys jáne kúnde paıdalanyp júrgen quraldyń biri bolǵandyqtan qıyndyq týdyryp jatqan joq. Kóptegen ýnıversıtet tapsyrma berilgen sátten bastap birden qashyqtyqtan oqytý júıesine kóship ketse, qalǵany búgin kóshti», - deıdi ol.
Eske salsaq, k anıkýl aıaqtalǵan soń oqýshylar onlaın oqýǵa kóshýi múmkin ekendigin buǵan deıin habarlaǵan bolatynbyz.
