Ashat Aımaǵambetov: Mekteptegi krıterıaldy baǵalaý júıesine ózgeris engizýge daıynbyz
NUR-SULTAN. QazAqparat - Elimizdiń orta mektepterindegi krıterıaldy baǵalaý júıesi sol kúıinshe qalady. Bul týraly QR Bilim jáne ǵylym mınıstrliginiń keńeıtilgen alqa otyrysynda vedomstvo basshysy Ashat Aımaǵambetov aıtty, dep habarlaıdy QazAqparat tilshisi.
«Sońǵy ýaqytta mekteptegi baǵalaý júıesi týraly kóptegen jaǵymsyz aqparattar tarap jatyr. Biz keshe bul máseleni talqyladyq. Jalpy, mınıstrliktiń ustanymy kelesideı: krıterıaldy baǵalaý júıesi qalady. Odan aýytqyp ketýge bolmaıdy. Jalpy ony muǵalimder qabyldady. Biraq ony jetildirý úshin tıisti, kerek ózgeristerdi engizýge daıynbyz», - dedi mınıstr.
