Ashat Aımaǵambetov mektep dırektorlaryn aýystyrý qalaı júrgiziletindigin túsindirdi

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov mektep dırektorlaryn aýystyrý qalaı júrgiziletindigin túsindirdi, dep habarlaıdy QazAqparat tilshisi.

Búgin halyqpen esep berý kezdesýin ótkizgen mınıstrge muǵalimderdiń biri: «Ustazdardy bir aımaqtan ekinshi aımaqqa rotatsııasy júrgizilýde deıdi halyq. Biz qustar emespiz ǵoı, ana jaqtan myna jaqqa ushatyn. Ol ne sonda?», - dep saýal joldaǵan bolatyn.

Osyǵan oraı Ashat Aımaǵambetov munyń teris aqparat ekendigin basa aıtyp ótti.

«Rotatsııa muǵalimderge qatysty emes, mektepterdiń basshylyǵyna, dırektorlarǵa ǵana qatysty tetik. Dırektorlarǵa qatysty degenniń ózinde de mysaly bir dırektordy Petropavldan Túrkistanǵa jiberý degen emes. Rotatsııa bolsa da ol bir qalanyń ishinde júrgiziledi. Sondyqtan bir óńirden ekinshi óńirge jiberý degen másele zańnamamyzda kórsetilmegen. Muǵalimder boıynsha rotatsııa máselesi múldem joq», - dedi mınıstr.