Ashat Aımaǵambetov mádenıet pen bilim salasyna qatysty zań jobasy qandaı máseleni sheshetinin aıtty
ASTANA. KAZINFORM – Májilistiń búgingi jalpy otyrysynda depýtat Ashat Aımaǵambetovtiń bastamasymen ázirlengen mádenıet pen bilim salasyna qatysty zań jobasy ekinshi oqylymǵa shyǵady.
Depýtat bul qujat qandaı mańyzdy máselelerdi sheshetinin túsindirip, áleýmettik jelidegi paraqshasynda jazba jarııalady.
Talantty oqýshylardy qoldaý
Endi halyqaralyq ǵylymı baıqaýlardyń jeńimpazdary 6 mln teńgege deıin syıaqy alady. Olardy daıyndaǵan ustazdarǵa da birjolǵy tólem beriledi. Ótken jyly jeńimpazdarǵa UBT tapsyrmaı-aq grantpen JOO-ǵa túsý quqyǵy berilse, bul shara – sol qoldaýdyń jalǵasy.
Bilim uıymdaryna esim berý tártibi
Endi jekemenshik mektepter belgili tulǵalardyń atyn óz betinshe bere almaıdy. Ol úshin onomastıkalyq komıssııanyń resmı kelisimi qajet bolady.
Ýnıversıtetterdi qarjylandyrý
JOO qarjylandyrýy stýdent sanyna emes, sapa kórsetkishterine baılanysty bolady. Bul básekelestikti arttyryp, oqý baǵdarlamalaryn jaqsartýǵa jol ashady.
Mindetti óteýden bosatý
Múgedek balasy bar nemese aýyr naýqas týysyn baǵyp otyrǵan túlekter grantty ótemeden bosatylady. Al shetelde oqýyn jalǵastyryp júrgenderge (rezıdentýra, magıstratýra, aspırantýra, doktorantýra) oqýyn aıaqtaǵanǵa deıin keıinge qaldyrý quqyǵy beriledi.
Balabaqshalardy qorǵaý
Memlekettik balabaqshaǵa bólingen jerlerdiń maqsatyn ózgertýge tyıym salynady. Olar saýda ortalyǵyna aınalmaıdy, jeke menshikke berilmeıdi. Sonymen birge, endi balalar 6 jasqa qysta tolsa da, jazǵa deıin balabaqshada qala alady. Buryn qańtarda 6-ǵa tolǵan balalardy birden shyǵaryp tastaıtyn jaǵdaılar jıi kezdesetin. Ol ata-analarǵa úlken qıyndyq týdyratyn. Endi bul másele sheshilmek.
Aıta keteıik, Májilis otyrysynyń birinshi oqylymynda mektepke deıingi bilim berý, ıaǵnı balabaqsha máselesine qatysty zań jobasy qaraldy.
Daryndy balalardyń ustazdaryna syıaqy berý usynyldy.
- Ótken jyly biz eń bedeldi halyqaralyq ǵylymı baıqaýlardyń jeńimpazdaryna UBT tapsyrmaı-aq memlekettik grantpen oqýǵa túsý múmkindigin berý týraly zańdy qabyldadyq. Oǵan qosa, «Bolashaq» baǵdarlamasy aıasynda bakalavrıat deńgeıinde shetelderdiń ozyq ýnıversıtetterine túsý quqyǵyn berdik. Endi biz qarastyryp otyrǵan zań jobasynda sol daryndy balalardy daıyndaǵan ustazdarǵa bir rettik syıaqy berý týraly norma engizilip otyr, - dedi Májilis depýtaty Ashat Aımaǵambetov Májilistiń jalpy otyrysynda.
Halyq qalaýlysynyń aıtýynsha, bul jastardyń ǵylymı áleýetin damytýǵa jáne talantty oqýshylardy yntalandyrý úshin mańyzdy.
Daryndy jastarǵa «Bolashaq» arqyly bakalavr deńgeıinde bilim alýǵa ruqsat beriledi.
Májilis depýtaty Ashat Aımaǵambetov Ǵylym jáne joǵary bilim mınıstrligine magıstratýra men doktorantýraǵa qabyldaý tártibin ózgertý máselesi týraly depýtattyq saýal joldaǵan bolatyn.
Májilis jasandy ıntellekti paıdalaný erejelerin bekitetin zań jobasyn talqylaıdy.