Ashat Aımaǵambetov: Qazaqstan JOO dıplomdary barlyq elde moıyndalǵan

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov reseılik joǵary oqý oryndarymen arada bolyp jatqan kelissózder týraly aıtty, dep habarlaıdy QazAqparat tilshisi.

Onyń aıtýynsha, jalpy Qazaqstan túrli elderdegi birqatar joǵary oqý oryndarymen kelissózder qarastyrady. Sonymen qatar, Máskeý ınjenerlik-fızıkalyq ınstıtýty, N.E.Baýman atyndaǵy Máskeý memlekettik tehnıkalyq ýnıversıteti, I.M.Gýbkın atyndaǵy Reseı memlekettik munaı jáne gaz ýnıversıteti ókilderimen kelissózder júrgizilip jatyr.

«Sebebi ýnıversıtetter ózderiniń uıymdastyrý máselelerin sheship alýy kerek. Bul jaǵdaıda JOO quramynda olardyń fılıaldaryn ashý máselesi qarastyrylyp otyr. MIFI óz kezeginde QazUÝ-men kelissóz júrgizip jatyr» - dedi mınıstr Májiliste tilshiler saýalyna jaýap bere otyryp.

Onyń aıtýynsha, osyndaı formatta stýdentter eki dıplom ala alady.

«Onda ártúrli trekter bolady. Osy jaǵdaıda olar bizdiń joǵary oqý oryndarymen jumys istegen kezde eki dıplomdy alý múmkindigi pysyqtalyp jatyr. Qazirgi kezde bizde eki júzden astam bilim berý baǵdarlamasy bar», - dedi A. Aımaǵambetov.

«Qazaqstan dıplomdary barlyq elde moıyndalǵan. Elimizde bakalavrıat alyp, Eýropaǵa, Ulybrıtanııaǵa baryp magıstratýraǵa oqýǵa barýǵa bolady», - dedi vedomstvo basshysy.