Ashat Aımaǵambetov Qazaqstan ǵylymyna baǵa berdi
NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Qazaqstandaǵy ǵylym deńgeıine baǵa berdi, dep habarlaıdy QazAqparat tilshisi.
«Men tórt degen baǵa berer edim. Bul «jaqsy» degen maǵyna. On baldyq shkalamen 7 nemese 8 shyǵar», - dedi Ashat Aımaǵambetov Nur-Sultanda «Burabay Forum» jas ǵalymdar forýmynyń ashylýynda tilshilerge bergen suhbatynda.
Mınıstr ǵylymı saladaǵy máseleler jóninde áńgimeledi.
«Ǵylym júıesin damytýdy kóptegen adam synǵa aldy. Eń aldymen, qarjylandyrý júıesi, ekinshiden – ǵylymdy basqarý máseleleri. Qazirgi ýaqytta JІÓ 0,12% ǵana ǵylymǵa jumsalady. Bul – óte az. Sonymen birge, ǵylymdy basqarý men qarjylandyrýdyń ádil,ashyq, barshaǵa túsinikti júıesi bolmasa, bólingen qarajat tıimsiz jumsalady. Júıeniń ózi tıimdi bolýy úshin bizge birqatar sheshim qabyldaý qajet», - dedi Ashat Aımaǵambetov.
Buǵan deıin mınıstr QR BǴM janyndaǵy Jas ǵalymdar keńesiniń alǵashqy otyrysy ótetinin málimdegen edi.
