Ashat Aımaǵambetov qashyqtan oqytý boıynsha eki negizgi baǵytty atady

NUR-SULTAN. QazAqparat - Mektepterde qashyqtan oqytý 8 ınternet platformada júrgiziledi. Bul týraly Ortalyq kommýnıkatsııalar qyzmetindegi baspasóz máslıhatynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Árıne, qashyqtan oqytý boıynsha eki negizgi baǵyt bar. Birinshi baǵyt - ınternet arqyly oqytý. Internet arqyly oqytý boıynsha bizde arnaıy birneshe ınternet platforma bar. Jalpy, ótken oqý jylynyń 4-toqsanynda bizde eki negizgi 2 ınternet platforma bolsa, osy ýaqytta oǵan taǵy 6 ınternet platforma qosylyp, 8-ge jetti», - dedi Ashat Aımaǵambetov.

Onyń atap ótýinshe, osy platformalardyń yńǵaıyna baılanysty, berip otyrǵan múmkindigine baılanysty mektepter, qalalyq, aýdandyq bilim bólimderi sheshim qabyldap, kelisimshartqa qol qoıady jáne sol platformamen jumys isteıdi.

«Ekinshi baǵytta balalar telearnalar arqyly sabaq beriledi. «El arna» jáne «Balapan» telearnalary telesabaqtarǵa táýligine 9 saǵatqa deıin efır bólip otyr», - dedi mınıstr.