Ashat Aımaǵambetov bilim salasyndaǵy jemqorlyqpen kúresti bastady
Jobalyq keńseniń ashylý rásimine Bilim jáne ǵylym mınıstri Ashat Aımaǵambetov pen Sybaılas jemqorlyqqa qarsy is-qımyl agenttiginiń tóraǵasy Alık Shpekbaev arnaıy qatysyp, tıisti memorandýmǵa qol qoıdy.
«Búgin biz bilim salasy boıynsha jobalyq keńse ashqaly otyrmyz. Jalpy, bilim salasynda jemqorlyqpen kúresti kúsheıtip, jemqorlyqqa múldem tózbeýshilik mádenıetin qalyptastyrý qajet. Ózderińiz kórip te otyrsyzdar, bilim salasynda qazir biraz keleńsiz oqıǵalar oryn alýda. Bilim - óte aýqymdy sala. 10-15 mıllıon Qazaqstan azamatynyń bilim salasyna qalaı bolsa da, kúndelikti qatysy bar. Tek muǵalimderdiń ózi 300 myńǵa jýyqtaıdy. Bilim salasynda bolyp jatqan máselelerdiń barlyǵy halyqtyń basty nazarynda ekeni belgili. Sondyqtan biz osyndaı sheshim qabyldadyq», - dedi qujatqa qol qoıý rásiminde Bilim mınıstri.
Al agenttik tóraǵasy Alık Shpekbaev Qazaq memlekettik zań ýnıversıteti elimizdegi sybaılas jemorlyqtyń «ıisi» de joq joǵary oqý oryndarynyń biri sanalatynyn basa aıtty.
«Qazaqstan búgingi tańda jemqorlyqtan taza, zamanaýı memleket qurýda. Zamanaýı eldiń eń negizgi basymdyǵy - ashyqtyq, aıqyndyq, qoǵam aldynda esep beretin memleket túzý. Munan keıingi basymdyq - kásibı, derbes, ekonomıkalyq turǵyda yntalandyrylǵan memlekettik apparat qalyptastyrý», - dedi Alık Shpekbaev.
