Ashat Aımaǵambetov bilim salasyna engiziletin jańa joba jaıynda aıtty
NUR-SULTAN. QazAqparat - Jańa oqý jylynan bastap elimizdiń bilim berý uıymdaryna «Qundylyqtarǵa negizdelgen bilim berý» jobasy engiziledi. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
Qazirgi ýaqytta bilim berýdiń barlyq deńgeıinde tárbıelik komponentti tolyqtyrý mindeti tur. Sondyqtan biz «Qundylyqtarǵa negizdelgen bilim berý» jobasyn ázirledik jáne ol jańa oqý jylynan bastap engiziledi. Bul jobany biz bıylǵy oqý jylynan bastap barlyq bilim berý uıymdarynda engizetin bolamyz. Bul óte mańyzdy. Ál-Farabı: «Tárbıesiz berilgen bilim adamzattyń qas jaýy» degendeı tárbıe jumysyn qolǵa alyp, ony jańa formatta júrgizý óte mańyzdy bolyp tur», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.
Onyń atap ótýinshe, bul joba oqýshylar, stýdentter parlamenti qyzmetin jetildire túsýi tıis. Sonymen qatar bilim berýdiń barlyq deńgeıinde «Jas ulan», «Jas qyran» qozǵalystaryn damytý jalǵasa beretin bolady.
