Ashat Aımaǵambetov aýyl mektepterinde ınternet jyldamdyǵy nege tómen ekenin túsindirdi

NUR-SULTAN. QazAqparat – QR Oqý-aǵartý mınıstri Ashat Aımaǵambetov eldimeken mektepterin ınternetpen qamtýǵa qatysty túsinik berdi, dep habarlaıdy QazAqparat tilshisi.

«Orta bilim berýde birneshe qosymsha resýrstar qoldanylady. Ásirese Kúndelik.kz kóp mektepterde qoldanylady. Sonymen qatar bilim al jáne EDUS resýrstary bar. Qosymsha bilim berý júıeleri jańa oqý jylyna daıyn bolýy tıis. Eldimeken mektepterin ınternetpen qamtý boıynsha áli de sheshilmegen suraqtar bar. Onyń eki sebebi bar. Birinshiden, tehnıkalyq aqaý saldarynan ınternettiń jyldamdyǵy jetkiliksiz deńgeıde. Máseleniń ekinshi jaǵy ınternetpen qamtýda jergilikti bıýdjetten qajetti qarajattyń ýaqtyly bólinbeýinen. Sonyń saldarynan ol jerde ınternet nashar. Mine biz osy máseleni sheshýimiz kerek», - dedi Ashat Aımaǵambetov mınıstrlikte ótken apparattyq jınalysta.

Mınıstr jalpy mektepterdi ınternetpen qamtý dınamıkasyna oń baǵasyn berdi.

Sondaı-aq, ınternetsiz eldimeken mektepterin máselesin jańa oqý jylyna deıin sheshý kerektigin tapsyrdy.

Aıta keteıik, buǵan deıin mektepterdegi ınternet jyldamdyǵy tómen óńirler týraly habarlaǵan edik.

Oqý aǵartý vıtse-mınıstri Aıbat Іlııasovtiń málimdeýinshe keıbir óńir mektepterinde ınternettiń jyldamdyǵy sekýndyna 512 kılobıtten tómen.