Ashat Aımaǵambetov ata-analarmen jáne ustazdarmen onlaın-kezdesý ótkizedi
NUR-SULTAN. QazAqparat - QR Bilim jáne ǵylym mınıstri Ashat Aımaǵambetov ata-analarmen jáne ustazdarmen onlaın-kezdesý ótkizedi, dep habarlaıdy QazAqparat tilshisi.
«6 sáýirde bastalatyn IV toqsanda mektep oqýshylary sabaqty qashyqtan oqıtyny belgili. Mınıstrlik qashyqtan bilim berý tehnologııalaryn paıdalana otyryp, oqý protsesin uıymdastyrýǵa qatysty aqparattandyrý jumystaryn BAQ pen áleýmettik jeliler arqyly úzdiksiz jalǵastyryp keledi. Búgin saǵat 15:00-de Bilim jáne ǵylym mınıstri Ashat Aımaǵambetov vedomstvanyń áleýmettik jelilerdegi resmı paraqshalary arqyly tikeleı efırde ata-analarmen, ustazdarmen jáne mektep dırektorlarymen onlaın-kezdesý ótkizip, suraqtarǵa jaýap beredi», - delingen atalǵan mınıstrliktiń Telegram paraqshasynda jarııalaǵan aqparatta.
Ashat Aımaǵambetovtiń onlaın-kezdesýin mınıstrliktiń Facebook pen Instagram paraqshalarynan jáne mınıstrdiń Instagram -daǵy jeke paraqshasynan kóre alasyzdar.
