Asha Mataı men Arman Qońyrbaev alda bolatyn úılený toıy jaıly syr bólispek (FOTO)
ASTANA. QazAqparat - «Áıel baqyty» tok-shoýynda Asha Mataı men «Mysterions» tobynyń solısi Arman Qońyrbaev alda bolatyn qyz uzatý men úılený toı jaıynda syr shertpek.
Qazaqstandaǵy áıelderdiń eń tanymal tok-shoýynyń jańa maýsymy búgin, 24 tamyzda bastalady. Úshinshi maýsym qarsańynda Láılá Sultanqyzy kórermender úshin eń sezimtal da shynaıy ómir oqıǵalaryn ázirlep qoıdy.
Áleýmettik mańyzy zor taqyryptar talqyǵa salynatyn Qazaqstannyń basty «Áıel baqyty» tok-shoýynyń jańa maýsymdaǵy alǵashqy sany búgin 15.00-de «Qazaqstan» telearnasynda efırge shyǵady. Onyń alǵashqy qonaqtary - ánshi ári aktrısa Asha Mataı men «Mysterions» tobynyń solısti Arman Qońyrbaev.
Jyldyń basynda Asha Mataıǵa Arman Qońyrbaev turmysqa shyǵýǵa usynys jasaǵany týraly habarlanǵan edi, al ekeýiniń arasyndaǵy qarym-qatynas ótken jyldyń basynan beri el nazaryna ilikken bolatyn. Alaıda juldyzdy jup bul týraly jarııa etýge asyqpady. Ekeýi sol ýaqytta «Júrek syńarym» atty ánin jazyp, birge oryndap júrdi. Qazirgi tańdaǵy olardyń arasyndaǵy qarym-qatynas, alda bolatyn qyz uzatý men kópten kútken úılený toıy jaıynda anyq-qanyǵyn búgingi eksklıýzıvti habardan bile alasyzdar, dep habarlaıdy «Qazaqstan» RTRK baspasóz qyzmetinen.
