Ash taýtaılaq balanyń záresin ushyrdy
ASTANA. QazAqparat - Jelide AQSh-taǵy saparı-parkte taýtaılaqtyń (lama) balanyń tamaǵyn tartyp jegeni túsirilgen vıdeo keńinen taralýda.
Ony Tennessı shtatyndaǵy saparı-parkte qydyryp júrgen Troı esimdi balanyń ata-anasy túsirgen.
Taýtaılaqtyń biri áke-sheshesimen, aǵasymen birge qydyryp júrgen bala kólik ishinde qalǵan sátte mashına terezesinen basyn suǵyp, onyń qolyndaǵy shelekke salynǵan asty jeı bastaǵan. Qatty qoryqqan búldirshin oryndyqtyń buryshyna tyǵylyp, shyńǵyryp jylap jibergen.
Bul beınekórinisti YouTube-tegi Jason Jensen arnasynda 19 naýryzda jarııalanǵan. Nebári úsh kúnniń ishinde rolıkti 440 myń adam kórgen.
