Asfendııarov atyndaǵy QazUMÝ jeti jyldyq oqý merzimin qysqartady
ASTANA. QazAqparat - Asfendııarov atyndaǵy qazaq ulttyq medıtsınalyq ýnıversıtetiniń rektory Talǵat Nurǵojın QazAqparat tilshisine JOO-ǵa engizilip jatqan medıtsınalyq bilim berýdiń jańa úlgisi týraly aıtyp berdi.
«XXI ǵasyrda medıtsınalyq bilim berýdiń túbegeıli jańa tujyrymdamalyq úlgisi paıda boldy, munda «búkil ómirge jetkilikti bilim berý» maqsatynyń ornyna «ómir boıy bilim berý» atty jańa tásil júzege asyrylýda. ıAǵnı, medıtsınalyq bilim berý medıtsınalyq JOO-ǵa túskende bastalady da, medıtsınalyq qyzmet toqtaǵanda ǵana aıaqtalady. Biz tájirıbelik daǵdylardy naqty jaǵdaıda úıretýge erekshe mán bere otyryp, medıtsınalyq bilimdi, ǵylymdy jáne klınıkalyq tájirıbeni biriktiretin densaýlyq pen ǵylymnyń akademııalyq júıesin damytyp jatyrmyz», - dep atap ótti ol.
Talǵat Nurǵojın bolashaq medıtsına qyzmetkerleriniń aqparatty óz betimen alyp jáne taldaý jasap, derekterdi durys baǵalaı alýy úshin olarǵa aqparattyq tehnologııalar men resýrstar múmkindigin paıdalanýdy úıretý qajet dep esepteıdi.
Onyń pikirinshe, bilim berý baǵdarlamalaryn júıeli túrde jetildirý bilim jónindegi aqparat kóleminiń ulǵaıýyna baılanysty stýdentterge júktemeni arttyrmaýy qajet.
«Sondyqtan, Eýropa elderdiń tájirıbesine súıene otyryp, biz ýnıversıtettegi oqý uzaqtyǵyn jeti jyldan alty jylǵa deıin qysqartýdy josparlap otyrmyz. JOO túlegi dáriger dıplommen birge ǵylym magıstri dárejesin de ala alady», - dep túsindirdi ýnıversıtet basshysy.
Onyń aıtýynsha, basty nazar rezıdentýra baǵdarlamasyna, klınıkalyq mamandyqtar boıynsha joǵary oqý ornynan keıingi bilim berýge aýdarylyp otyr.
«Birinshiden, ýnıversıtet túlekteriniń basym bóligi rezıdentýraǵa barýy tıis dep esepteımiz, ıaǵnı emdeý protsesine jiberiletin barlyq dárigerlerge rezıdentýrany aıaqtaý talaby qoıylýy kerek. Ekinshiden, rezıdentter tájirıbeden ótýi kerek, ıaǵnı naýqastardy emdeýi kerek. Damyǵan elderde emdeýdiń úlken kólemi rezıdentterge júkteledi. Máselen, AQSh-ta rezıdentter aptasyna 80 saǵat klınıkada júredi. Amerıkalyq áriptester rezıdentterge: «Eger muny jasamasańyz, jaqsy dáriger bola almaısyz» deıdi. Sondyqtan, bizdiń negizgi mindetimiz - rezıdentterdi operatsııalyq bólmeler men palatalarǵa kóptep jiberý», - dedi rektor.
Sonymen birge, Talǵat Nurǵojın ýnıversıtet ujymy men stýdentteriniń negizgi mindetteriniń biri - qazirgi jyldam ózgeretin jaǵdaılarǵa beıimdelý úshin jańa qıyndyqtarǵa beıimdele alý ekendigin atap ótti.
«Jaqyn arada quzyrettilikti damytýǵa, medıtsınalyq kómek kórsetý júıesindegi syrtqy jaǵdaılarǵa tez beıimdelýge jáne densaýlyq saqtaý tehnologııalaryn damytýdaǵy álemdik tendentsııalardy kórsetýge baǵyttalǵan bilim berý baǵdarlamalary - QazUMÝ-daǵy joǵary medıtsınalyq bilim berýdiń negizi bolýy tıis. Búginde bul - jeke derbestendirilgen telemedıtsına, bıoınformatıka, dıagnostıka men jasandy ıntellektti qoldaný arqyly emdeý, regeneratsııalaý, aýgmentatsııa jáne bıogerentologııa. Medıtsınalyq tehnologııalardy damytýdyń kóptegen baǵyttary «derbestendirilgen medıtsına» uǵymymen birigedi, ıaǵnı onda naýqastyń profılaktıka, dıagnostıka jáne emdeýdegi jeke erekshelikteri eskerilgen. Aqparattyq tehnologııalar men genetıkalyq zertteýlerdiń damýy arqyly derbestendirilgen medıtsına shyndyqqa aınaldy. Іrgeli jáne qoldanbaly ǵylymı zertteýlerdiń nátıjelerine negizdelgen jeke medıtsınadaǵy qoǵam qajettilikterin eskerý arqyly elimizdegi joǵary medıtsınalyq mektepti damytý qajet», - dep óz sózin túıindedi Talǵat Nurǵojın.
Medıtsına mamandarynyń ustahanasyna aınalǵan QazUMÝ-da búginde 10 myńǵa jýyq stýdentter, ınternder, rezıdentter, magıstranttar men PhD doktoranttary bilim alady. Olardyń arasynda 8 elden kelgen 1000-nan astam sheteldik stýdentter bar. Bıyl ýnıversıtettiń qurylǵanyna 88 jyl tolady.
Foto: kaznmu.kz
