Asfaltqa jazǵan jazýy úshin semeılik 216 myń teńge aıyppul arqalady
ASTANA. KAZINFORM — Qaraǵaıly shaǵyn aýdanynda belgisiz adam kópqabatty úılerdiń biriniń mańyndaǵy avtoturaqqa boıaýmen «Avtoturaqtaǵy oryndy ıelenbeńiz» degen jazý qaldyrǵan, dep habarlaıdy Abaı oblysy PD baspasóz qyzmeti.
Boıaý jaqyn jerde turǵan kólikke de tıip, onyń ıesi polıtsııaǵa júgingen.
Beınebaqylaý kameralarynyń jazbalaryn zerdeleý barysynda polıtsııa qyzmetkerleri jazýdyń 25 qyrkúıekte saǵat 02:26 shamasynda jazylǵanyn anyqtady. Áıeldiń jeke basy anyqtalyp, onyń 40 jastaǵy qala turǵyny Alma Sarbasova ekeni belgili boldy.
— Quqyq buzýshylyq jasaǵany úshin ol ortaq paıdalanylatyn oryndardy qorlaǵany úshin ákimshilik jaýapkershilikke tartylyp, 50 AEK mólsherinde aıyppul salyndy. Óz áreketiniń saldaryn ol óz betinshe joıǵan, — delingen habarlamada.
Abaı oblysy Polıtsııa departamenti avtoturaq oryndaryna baılanysty kelispeýshilikterdi zańdy jolmen sheshý qajettigin eske salady. Mundaı daýlar qoǵamdyq tártipti buzýǵa jáne ózgeniń múlkine zııan keltirýge negiz bolmaıdy.
Buǵan deıin Semeıde «Sergek» kameralarynyń nazaryna 123 myńnan astam buzýshylyq ilikkenin jazdyq.
