Áset Turysov jyljymaıtyn múlik bazasyndaǵy irkilistiń sebebin túsindirdi

ASTANA. QazAqparat –Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov jyljymaıtyn múlik bazasyndaǵy irkilistiń nelikten oryn alǵanyn túsindirdi, dep habarlaıdy QazAqparat tilshisi.

Ortalyq kommýnıkatsııalar qyzmeti alańynda ótken baspasóz máslıhatynda BAQ ókilderi vıtse-mınıstrden: «Jyljymaıtyn múlik bazasynda irkilis boldy. Adamdar men notarıýstar mámile jasaı almaı qaldy. Qazirgi jaǵdaı qandaı? Adamdar qashannan bastap №2, №6 anyqtamalarǵa tapsyrys bere alady?» dep suraǵan edi.

Osy oraıda Áset Turysov 1 shildeden bastap biryńǵaı jyljymaıtyn múlik kadastry iske qosylatynyn atap ótti.

«Jyljymaıtyn múlik, tehnıkalyq pasport, jer kadastry tirkelimi bar ekenin bilemiz. Jańa tártipke sáıkes, biryńǵaı jyljymaıtyn múlik kadastry bolady. ıAǵnı, jer men jyljymaıtyn múlikke biryńǵaı kadastrlyq pasport bolady. Zań aıasynda biryńǵaı memlekettik jyljymaıtyn múlik kadastry júzege asyrylyp jatyr. Birinshi kezeńinde mamyrdyń 5-9 aralyǵynda jyljymaıtyn múlik tirkelimi jańa aqparattyq júıege kóshirildi», - dedi vıtse-mınıstr.

Onyń atap ótinshe, jyljymaıtyn múlik bazasyndaǵy irkilis júıedegi iske qosý jáne retke keltirý jumystaryna baılanysty oryn alǵan.

«Degenmen, tehnıkalyq blok qajetti jumystyń bárin merziminde jasady. Bir kún bizde problemaly boldy jáne búginde bári shtattyq rejımde jumys istep tur. Barlyǵyn, onyń ishinde №2 jáne №6 anyqtamany da elektrondy úkimet portalynda, HQO-da jáne notarıýstan alýǵa bolady», - dedi Áset Turysov.