Áset Maǵaýov: Jańartylǵan Parlamentpen qyzý jumysqa daıyndalýymyz qajet
ASTANA. QazAqparat - KAZENERGY qaýymdastyǵy Memleket basshysynyń Májilis depýtattarynyń kezekten tys saılaýyn ótkizý týraly sheshimin qoldaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «KAZENERGY» Qazaqstan munaı-gaz jáne energetıkalyq kesheni uıymdary qaýymdastyǵynyń bas dırektory Áset Maǵaýov málim etti.
«Qazirgi qıyn kezeńde atalǵan sheshim der kezinde qabyldandy dep paıymdaımyz. Májilistiń besinshi shaqyrylymdaǵy depýtattar tarapynan aýqymdy jumystar atqaryldy. ıAǵnı, «100 naqty qadam» reformalary aıasynda óte mańyzdy zańnamalar qabyldandy. Sonymen qatar budan keıin ınvestıtsııalyq ahýaldy jaqsartýdyń eleýli rezervterin baıqaýdamyz», - dep toqtaldy Á. Maǵaýov.
Qaýymdastyq ókilderiniń paıymynsha, Májilistiń jańarǵan quramy, ıaǵnı oǵan tyń ıdeıalar men jasampaz depýttardyń kelýi jer qoınaýyn paıdalaný salasyndaǵy zań jobalaryn tyńǵylyqty qarastyrýǵa, sondaı-aq bul baǵytta ınvestıtsııalyq klımatty jaqsartýǵa qajetti bazany qurýǵa múmkindik beredi.
«Tıimdi Parlament - ol tıimdi zańnamany daıarlaýdyń jáne tıisti ınvestıtsııalyq klımatty jaqsartýdyń basty faktory. Shynymen de qazirgi kezde álemdik energetıkalyq naryq tómen baǵalardyń qysymyn basynan ótkerýde. Sáıkesinshe, bul jaǵdaı Qazaqstannyń munaı-gaz sektoryna áser etýde. Osy oraıda jer qoınaýyn paıdalaný sektoryn retteýdiń ozyq sharalary qajet dep oılaımyz. Sondyqtan da barshamyzǵa, onyń ishinde qoǵamdyq birlestikter, memlekettik qyzmetter jańartylǵan Parlamentpen birlese qyzý jumysqa daıyndalýy qajet», - dep túıdi Á. Maǵaýov.
