Áset Isekeshev jeltoqsan oqıǵalarynyń qatysýshylaryna estelik medaldar tabys etti
ASTANA. QazAqparat - El táýelsizdiginiń 25 jyldyǵy qarsańynda elorda ákimi Áset Isekeshev jeltoqsan oqıǵalarynyń 18 qatysýshysyna «Jeltoqsannyń 30 jyldyǵy» qurmet medaldaryn tabys etti, dep habarlaıdy QazAqparat Astana ákimdiginiń baspasóz qyzmetine silteme jasap.
Astana ákimi qonaqtardy quttyqtap, memlekettik merekeniń mańyzdylyǵyn atap ótti. «Bıyl el táýelsizdigine 25 jyl, tarıhı turǵydan bul qysqa kezeń. Biraq Qazaqstan úshin bul tarıhı kezeń. Elbasymyz aıtqandaı, bul jyldyń mańyzdy oqıǵasy. Elimizdiń barlyq jetistikterin uǵynyp, bolashaqqa jospar jasaýymyz kerek», - dedi ákim.
«Memleket basshysy «Máńgilik elge» aınalý jolynda myqty memleket quryp, álemniń órkenıeti ozǵan 30 eliniń qataryna qosylý maqsatyn qoıdy. Mereke qarsańynda jeltoqsan oqıǵalarynyń qatysýshylaryna estelik medaldar tabys etý men jáne meniń áriptesterim úshin úlken qurmet, táýelsizdigimizdiń 25 jyldyǵy este qalar oqıǵa bolady dep oılaımyn», - dedi ákim óz sózinde.
Óz kezeginde marapatqa ıe bolǵandar ákimge kóńil bólip, qurmet kórsetkeni úshin alǵystaryn aıtty.
«Astana - Prezıdenttiń tól perzenti. Bul - bizdiń joba, memleketimizdiń kelbeti. Sizge qyzmetińizde tolaǵaı tabystar tileımiz, Táýelsizdiktiń 25 jyldyǵyna oraılastyyrylǵan sharalar, jeltoqsan oqıǵasynyń 30 jyldyǵyn laıyqty atap óteıik. Elimizdiń jetisstikterin barsha álemge taǵy da pash eteıik. Biz barlyq josparlardy júzege asyrýǵa kómektesýge daıynbyz» - dep málim etti QR Parlamenti Májilisi apparaty basshysynyń orynbasary Sabyr Kasımov.
