Áset Isekeshev jas ónertapqyshtardy birlesip jumys isteýge shaqyrdy
22-23 jastaǵy segiz jigit búgingi baıqaýda júıelerdi avtomatty basqarý boıynsha jańa ázirlemeni usyndy.
«Qazylar alqasymen aqyldasa kele, ıdeıa ǵana emes, tehnıkalyq sheshim usynǵan komandaǵa óz sheshimderin ákimdikke engizý boıynsha pılottyq jobasyn berýdi sheshtik. Bul bizdiń arnaıy syılyǵymyz», - dedi Áset Isekeshev marapattaý barysynda.
«Bizdiń sheshimdi agrarlyq saladan aqyldy úılerge deıin, barlyq salada qoldanýǵa bolady. ıAǵnı, qurylǵylar arqyly prınterden úlken ǵımarattarǵa deıin derekterdi jiberip, qabyldap jáne basqara alasyz. Máselen, siz bıznes-ortalyqtyń ıesi bolsańyz, biz sizdiń barlyq júıelerińizdi avtomattandyramyz jáne aıyna qansha elektr energııasy men sý tutynǵanyńyz týraly derekter alyp otyrasyz. Eger keńseni jalǵa berseńiz, qaı keńseniń kóbirek tutynatynyn bilýge bolady. Sonymen birge, kez kelgen aqaýdyń qaı jerden týyndaǵanyn jyldam anyqtaı alasyz. Bul qurylǵy kólikten bastap, úlken ǵımarattarǵa deıin basqarý jumystaryn jeńildetedi», - dep túsindirdi IT-ýnıversıtet túlegi Nursultan Sadyq.
