Áset Isekeshev turǵyndardyń ótinishi boıynsha jedel shara qoldandy
ASTANA. QazAqparat - Elorda bıligi jaqyn mańdaǵy turǵyn úı alabynyń turǵyndarynan kelip túsken ótinishke jedel jaýap qaıtardy, dep habarlaıdy Astana ákimdiginiń baspasóz qyzmeti.
№ 31 kóshe men Qabanbaı batyr dańǵylynyń qıylysynda retteletin jaıaý júrginshiler baǵdarshamy ornatylady. Astana ákimi Áset Isekeshev turǵyndardyń ótinishimen tıisti sheshim qabyldady.
Astana turǵyny Nadejda Bebenına Facebook áleýmettik jelisi arqyly aýdan turǵyndarynyń atynan qala basshysyna Qabanbaı batyr dańǵyly men №31 kósheniń qıylysynda jaıaý júrginshilerge arnalǵan baǵdarshamnyń joqtyǵy týraly óz ótinishin jetkizdi.
Bul jerde áýejaıdan qalaǵa aparatyn jol ornalasqan, kólikter, ásirese júk kólikteri jyldamdyq rejımin saqtamaıdy.
«Iá, joldyń osy bóliginde rettelmeıtin jaıaý júrginshiler ótkeli ornalasqan. Biraq júrgizýshilerdiń keıbiri belgini kórip, kóliktiń júrisin báseńdetpeıdi. Abyroı bolǵanda, qaıǵyly jaǵdaılar oryn alǵan joq», - deıdi Nadejda Bebenına.
Astana ákimi Áset Isekeshev qala turǵynynyń ótinishine jedel jaýap qaıtaryp, tıisti basqarmalardyń basshylaryna qysqa merzimniń ishinde №31 kóshe men Qabanbaı batyr dańǵylynyń qıylysynda retteletin baǵdarsham ornatýdy tapsyrdy.
