Áset Isekeshev ShYU-ǵa múshe memleketterdiń Qaýipsizdik keńesi hatshylarynyń kezdesýine qatysty
Prezıdenttiń kómekshisi – Qaýipsizdik Keńesiniń Hatshysy Áset Isekeshev 2021 jylǵy 23 maýsymda Dýshanbede ótken Shanhaı yntymaqtastyq uıymyna múshe memleketterdiń Qaýipsizdik keńesi hatshylarynyń on altynshy kezdesýine qatysty.
Іs-shara barysynda ShYU keńistiginde qaýipsizdik pen turaqtylyqty qamtamasyz etý salasyndaǵy ahýalǵa baılanysty aýqymdy másele talqylandy.
Taraptar terrorızm, separatızm men ekstremızm, qarý-jaraq pen esirtkiniń zańsyz aınalymyna, transulttyq uıymdasqan qylmysqa qarsy is-qımyl, halyqaralyq aqparattyq qaýipsizdikti qamtamasyz etý sııaqty salalardaǵy yntymaqtastyqty odan ári damytýdyń negizgi aspektileri boıynsha pikir almasty.
Kezdesý barysynda Aýǵanstandaǵy ahýaldy tezirek retteý – ShYU aımaǵynda beıbitshilik pen qaýipsizdikti saqtaýdyń negizgi faktorlarynyń biri ekeni atap ótildi. Osyǵan oraı taraptar osy eldegi áleýmettik-ekonomıkalyq ahýaldyń qalpyna kelýine septigin tıgizetin naqty sharalar josparyn kelisý jumystaryn jalǵastyrýǵa ýaǵdalasty.
Áset Isekeshev áriptesterine ShYU qyzmetiniń mańyzdy baǵyttary boıynsha Qazaqstannyń ustanymdaryn jetkizdi jáne elimizdiń múddelerin eskere otyryp, Uıymdy odan ári úılesimdi damytý jóninde birqatar usynystar aıtty.
Qazaqstan Qaýipsizdik Keńesiniń hatshysy COVID-19 indetiniń teris áleýmettik-ekonomıkalyq saldaryn eńserý, azyq-túlik qaýipsizdigin qamtamasyz etý, mańyzdy ekologııalyq problemalardy sheshý sııaqty máseleler boıynsha birlese atqaratyn sharalarǵa nazar aýdardy. Sondaı-aq áriptesterin kıber qylmystarǵa jáne esirtkiniń zańsyz aınalymyna qarsy is-qımyldardy kúsheıtýge, jalpy ShYU keńistiginde turaqtylyq pen qaýipsizdikti qamtamasyz etýge shaqyrdy.
Áset Isekeshev Aýǵanstanǵa jan-jaqty kómek kórsetý jónindegi birlesken is-qımyldar qajettigin atap ótip, beıbit ómirge qol jetkizý úshin barlyq format boıynsha júrgiziletin kelissózder protsesin jandandyrýǵa Qazaqstannyń daıyn ekenin aıtty.
Otyrys qorytyndysy boıynsha is-sharaǵa qatysýshylar tıisti Hattamaǵa qol qoıdy. ShYU-ǵa múshe memleketterdiń Qaýipsizdik keńesi hatshylarynyń kezekti kezdesýin Ózbekstan Respýblıkasynda ótkizý jóninde sheshim qabyldandy.
Sonymen qatar kezdesý barysynda Áset Isekeshev Reseı Federatsııasy Qaýipsizdik keńesiniń hatshysy N.Patrýshevpen, Qyrǵyz Respýblıkasy Qaýipsizdik keńesiniń hatshysy M.Imanqulovpen, sondaı-aq, Pákistan Islam Respýblıkasy Premer-Mınıstriniń Ulttyq qaýipsizdik jáne strategııalyq josparlaý máseleleri jónindegi kómekshisi M.ıÝsýfpen kelissózder júrgizdi. Kelissózde óńirlik qaýipsizdik salasyndaǵy ózara is-qımyl men yntymaqtastyqty keńeıtýdiń ózekti máseleleri qarastyryldy.
