Áset Isekeshev qyz-kelinshekterdi merekemen quttyqtady
ASTANA. QazAqparat - Elorda ákimi Áset Isekeshev áıelderdi 8 Naýryz merekesimen quttyqtady, dep habarlaıdy qala ákimdiginiń saıty .
«Aıaýly analar!
Qurmetti qyz-kelinshekter!
Sizderdi 8 naýryz - Halyqaralyq áıelder kúni merekesimen shyn júrekten quttyqtaımyn!
Qazaqta «Ananyń súıgen jeri - otqa kúımeıdi, oq ta tımeıdi» degen támsil bar. Óıtkeni Áıel-Analar barlyq qıyndyqty jeńetin sarqylmaıtyn kúsh, tirliktiń qaınar bulaǵy. Ana - ómirdiń gúli, tirshiliktiń nury, meıirim men izgiliktiń jarshysy. Áıel tabıǵaty tutas qudiretke toly tylsym dúnıe. Otbasynyń oty da, Otannyń bútindigi de eń aldymen ananyń aq peıilinen bastaý alady.
Kóktem gúlimen, otbasy ana nurymen kórkem. Endeshe osy bir keń nıetti kóktemmen birge kelgen ásem merekede Sizderge tek izgilik tileımin! Ózderińizge aıtylatyn aq alǵystar men jyly sózder esh ýaqytta tolastamasyn. Árdaıym aqpeıil de qamqor, adal da úlgili qalyptaryńyzdan talmaı júre berińizder.
Sizderge zor densaýlyq, uzaq ómir, otbasylaryńyzǵa mol baqyt, eńbekterińizge tolaǵaı tabys tileımin!», - delingen quttyqtaýda.
