Áset Isekeshev elordalyqtarǵa alǵys aıtty
ASTANA. QazAqparat - Astana qalasynyń burynǵy ákimi Áset Isekeshev elordalyqtarǵa alǵys aıtty, dep habarlaıdy QazAqparat.
«Qurmetti astanalyqtar, Sizderdiń jyly tilekterińiz ben eki jyldan astam ýaqyt boıy qalany damytýǵa belsendi atsalysqandaryńyz úshin úlken alǵysymdy aıtamyn. Sizderdiń árbir shaǵymdaryńyz, usynystaryńyz ben syndaryńyz Astanany odan ári kórkeıtip, yńǵaıly etýge kómek berdi», - dep jazady Áset Isekeshev óziniń Feısbýktegi paraqshasynda.
Esterińizge sala ketsek, keshe Áset Isekeshev Elbasynyń Jarlyǵymen QR Prezıdenti Ákimshiliginiń basshysy bolyp taǵaıyndaldy. Al elorda basshysy qyzmetine búgin Baqyt Sultanov kiristi.
