Áset Isekeshev elordalyqtardy senbilikke shaqyrdy
ASTANA. QazAqparat - Elorda ákimi Áset Isekeshev áleýmettik jeli arqyly qala turǵyndaryn senbilikke shaqyrdy, dep habarlaıdy QazAqparat.
«Qalamyzda ekologııalyq aılyq bastaldy. Bul shara elordamyzdyń ajaryn ashýǵa, ony kórkeıtýge baǵyttalǵan. Barlyq qalalyq qyzmetter belsendi túrde kóshelerdi tazalap, ózine qarasty tóńirekti kógaldandyrý jumystaryn júrgizýde. Senbilikke kóshe boılarynda ornalasqan kafeler, dúkender men ózge de mekemeler qatysady. Bul ıgi sharaǵa barlyq qala turǵyndaryn da qatysýǵa shaqyramyz», - dep jazdy Áset Órenbaıuly Feısbýktegi paraqshasynda.
Onyń atap ótýinshe, senbilikter 21 sáýir men 12 mamyr aralyǵynda "Astana - taza jáne qaýipsiz qala" aktsııasy aıasynda ótedi.
«Tazalyq jumystaryna qatysty kerek-jaraqtar sol jerde beriledi. Bir jaǵadan bas, bir jeńnen qol shyǵaryp, iske kiriseıik!», - dedi qala basshysy. 
