Áset Isekeshev elordadaǵy jabyq býlvardyń qandaı paıda ákeletindigin aıtty
ASTANA. QazAqparat - Astana ákimi Áset Isekeshev Qazaqstannyń elordasynda «Nurly jol» jabyq býlvarynyń salynýy qandaı paıda ákeletinin aıtty, dep habarlaıdy «QazAqparat» HAA.
«Bul joba tek qana jeke ınvestıtsııalardyń esebinen júzege asyrylady. Ázirshe joba ústinde jumystar, esepteýler júrip jatyr. Oǵan sheteldik ınvestorlar qatysady. Jumys aıaqtalmaıynsha egjeı-tegjeıli aıta almaımyz. Biz úshin jobanyń máni sáýletkerlik ásemdikpen ǵana shektelmeıdi, ol jańa jumys oryndaryn ashýǵa, saýdanyń jeke bıznesin júrgizýge múmkindik beredi», - dedi ol jýrnalısterge jalpyulttyq telekópir bastalardyń aldynda.
Buryn Astana ákimdigi «Nurly jol» jabyq býlvarynyń qurylysyna ınvestorlar izdeýdi bastaıtyny habarlanǵan bolatyn. Ol úshin ınvestıtsııalardy tartý boıynsha búkilálemdik naýqan ótkizý josparlanǵan. Jabyq býlvardyń jobasy Qazaqstan Prezıdenti Nursultan Nazarbaevqa BAÁ ınvestorlarymen kezdesý kezinde usynyldy. Ideıa avtorlarynyń oıynsha, búkil býlvardyń ústine shatyr jabylyp, qolaıly mıkroklımat qalyptastyrýy tıis.
