Áset Isekeshev elordadaǵy aýlalardyń abattandyrylýyn tekserdi
ASTANA. QazAqparat - «Baıqońyr» aýdanynda abattandyrylǵan 15 aýla tapsyryldy. Bul týraly aýdan ákimi Erlan Qanalımov Feısbýkte jazdy, dep habarlaıdy QazAqparat.
«Konstıtýtsııa jáne Bilim kúnderine oraı «Baıqońyr» aýdanynda 15 abattandyrylǵan aýlalar ashylýda (J. Dosmuhameduly k. 4, 6, 8, 10, 12, A. ıAnýshkevıch k. 5, A. Kravtsov k. 3, 5, 5/1, 7, 7/1, A. Pýshkın k. 1, 3/1). Asan qaıǵy kóshesinde ornalasqan № 8 úıiniń turǵyndaryna búgingi kún qos merekege aınaldy! Osyndaı mańyzdy kúni, aýlalardyń saltanatty ashylýyna qala ákimi Áset Isekeshev qatysyp, aýdanda júrgizilip jatqan abattandyrý jumystarymen tanysty»,-dep habarlady Erlan Qanalımov.
Aýlalarda fýtbol alańdary, balalardyń oınaıtyn oryndary, kóshe jattyǵý qurylǵylary jáne túrli shaǵyn sáýlet nysandary ornatyldy.
