Áset Isekeshev elorda týraly: Qysqa ýaqytta salynǵan aıbyndy megapolıs
«Astana - qysqa ýaqytta salynǵan aıbyndy megapolıs, táýelsizdiktiń sımvoly. Elbasymyz osydan jıyrma jyl buryn Arqa tósinde osyndaı ǵajaıyp qala salamyz degende kópshilik sene qoımaǵanyn jaqsy bilemiz. Degenmen, munyń ómirsheń murattar arqalaǵan tarıhı sheshim bolǵanyna búginde ýaqyttyń ózi aıqyn dálel. Qalaǵa salynǵan ınvestıtsııa ózin tolyq aqtap, Astana el halqynyń maqtanyshyna, memleket damýynyń lokomotıvine aınaldy.
Búginde elordamyz óziniń jıyrma jyldyq mereıtoıyna mol tabystarmen, salmaqty josparlarmen jetip otyr. Qalany álemniń eń úzdik megapolısterimen terezesi teń, turǵyndary baqýatty shaharǵa aınaldyrý baǵytynda barlyq qajetti sharalar qolǵa alynýda. Buǵan bizde resýrstyq áleýet te, tolymdy tájirıbe de, talap-nıet te jetkilikti. Sondyqtan Astanamyzdyń keleshegi kemel, jarqyn sátterge toly bolady dep senemin.
Sizderge zor densaýlyq, otbasylaryńyzǵa yrys pen bereke, eńbekterińizge mol tabys tileımin!»,- delingen ákimniń quttyqtaýynda.
